19 наурыз – табиғаттың жанданып, жаңа өмірге қадам басатын сәтін дәріптейтін, адамның жан-дүниесі мен ой-санасын тазартуға, жаңашылдыққа ұмтылуға арналған ерекше күн. Бұл – өткенге көз жүгіртіп, сабақ алу, жаңа бастамаларға серпін беру, ізгілік пен жақсылықты көбейту күні.  Жаңару күні аясында табиғатты тазарту мен қоршаған ортаға қамқорлық көрсету мақсатында мектеп оқушылары бірлесіп, қар тазалау жұмыстарын жүргізді. Бұл игі іс-шара – тек мектеп ауласын қардан тазарту ғана емес, сонымен қатар

19.03.2025ж. күні М.Ганди атындағы №92 мамандандырылған лицейдің 10-11 сынып оқушыларына Нархоз университетінің мамандары “Нархоз университеті: білім беру бағдарламалары, мүмкіндіктері және оқуға түсу жолы” тақырыбында кәсіптік бағдарлау жұмыстарын жүргізді.

Лицей психологтары 5-6 сынып оқушыларымен лудомания мен буллингтің алдын алу үшін позитивті қарым-қатынастар орнатудың маңыздылығын түсіндіріп, әлеуметтік қолдау мен психологиялық сенімді қалыптастыру мақсатында “Біз буллинг пен лудоманияға қарсымыз” тақырыбында семинар-тренинг жүргізді.

18 наурыз-Ұлттық киім күні. Ұлттық киім күні —  қазақ халқының бай мұрасын, мәдениетін және дәстүрлерін құрметтеп, ұлықтау күні. Бұл шарада ұлттық киім үлгілерін дәріптеу мақсатында сынып аралық челлендж ұйымдастырылды.Ұлттық киімдеріміздің әрқайсысы өз тарихы мен мән-мағынасына ие, оларды кию арқылы біз ата-бабаларымыздың даналығын, өнерін және салт-дәстүрлерін жалғастырамыз. Челленджімізді 10 “В”,  10”А”, 10 “Ә”, 6 “А” сынып оқушылары жалғастырды.

17.03.2025ж.«Көмек» бағдараламасы бойынша 9«А» сыныбында сынып сағаты өткізілді. 🔰Мақсаты: оқушыларға рухани құндылықтар, әділдік пен адалдық туралы түсінік беру. Қоршаған ортада орны мен маңызын түсіндіру, балалардың бойына өмірлік ұстаным ретінде қолдана білуіне ықпал етіп, балаларды адалдыққа, қамқорлыққа, әділдікке деген көзқарастарын қалыптастыру.

17.03.2025ж.“Алматы – ортақ үйіміз” бағдарламасы аясында лицейімізде оқушылардың белсенді қатысуымен сенбілік ұйымдастырылды.  🔰Бұл игі шараның басты мақсаты – туған қаламыздың тазалығына үлес қосу, оқушылардың экологиялық мәдениетін қалыптастыру және оларды қоршаған ортаға жауапкершілікпен қарауға тәрбиелеу.

«Дарынды балаларға - талантты ұстаз»  республикалық олимпиадасының республика кезеңінің 3-ші дәрежелі диплом иегері М. Ганди атындағы 92 мамандандырылған лицейдің физика пәні мұғалімі Рамазанова Ақбаян Азаматқызы марапатталды.

13.03.2025ж.М.Ганди атындағы №92 мамандандырылған лицей инспекторы Әлжанов Арман және директордың тәрбие ісі жөніндегі орынбасары Қуандықова Алия Сейілханқызы оқушыларға «Қауіпсіз жол қозғалысы ережелері» тақырыпта түсініктеме жұмыстарын жүргізді.

12.03.2025ж.Профориентатор, шетелге оқуға түсу эксперті Зиябеков Бақнұр лицейіміздің 8-9-10 сынып оқушыларына «Көктемгі демалыстағы ең үздік профорентациялық лагерь» бағдарламасымен таныстырды.Бұл лагерь -баланың сенімділігін арттырып, оның болашақ мамандығын анықтауға көмектестін ерекше бағдарлама.

Қазақтың ұлттық ойыны: ”Қол күрес” Ойынның шарты: Столдың шетіне қарама – қарсы екі ойыншы оң қолдарының шынтағын столға тіреп қояды да, бірінің қолын бірі алақандастыра мықтап ұстайды. Сол жақтағы қолдарын әркім өзінің оң жақ қолтығына тығып алады.Ұлттық ойынды дамыту мақсатында  8-сынып оқушыларына қол күрестен жарыс өтілді.