Сыныптан тыс іс-шара: «One Day in Medicine»

2025 жылдың 03 желтоқсан күні «Мектептен тыс оқыту – білім көзін кеңейту» жобасы және Ғылыми жаратылыстану кафедрасының айлығы аясында С.Ж. Асфендияров атындағы Қазақ ұлттық медицина университетінде өткен «One Day in Medicine» тақырыбындағы сыныптан тыс іс-шара Махатма Ганди атындағы №92 мамандандырылған лицейдің 10 «Г» сынып оқушыларының қатысуымен өтті.
✨🩺
Іс-шараның бірінші бөлігінде оқушылар Анатомиялық музейді аралап, адам ағзасының күрделі құрылымы мен патологиялық өзгерістерімен танысты.
🧠🫀
Екінші бөлігі университет тарихына арналды.
🌟 Университет Тарихы Музейіндегі сапар
Анатомиялық білімдерін толықтырған соң, оқушылар ҚазҰМУ-дың Тарих музейіне барды. Бұл сапардың мақсаты – қазақ медицинасының қалыптасуы мен дамуындағы жетекші оқу орнының тарихи маңызын түсіну болды.
Музейде оқушылар:
📌 Университеттің негізін қалаған тұлғалар, соның ішінде С.Ж. Асфендияровтың өмірі мен еңбегі туралы мәліметтер алды.
📌 Алғашқы дәрігерлердің даярлануы мен медициналық ғылымның даму тарихын айғақтайтын сирек фотосуреттермен және құжаттармен танысты.
📌 Қазақ медицинасына үлес қосқан ғалымдар мен профессорлардың еңбектерін, сондай-ақ олардың қолданған көне медициналық құралдарын көрді.
🏛️📚
Бұл саяхат медицинаның тек заманауи ғылым емес, терең тарихы мен үлкен дәстүрі бар сала екенін айқын көрсетті. Оқушылардың болашақ мамандыққа деген қызығушылығы мен жауапкершілік сезімі одан әрі артты.
💡🇰🇿
Іс-шара соңында лицей оқушылары өздерін болашақ медицина маманы ретінде сезініп, білім мен ғылымға деген ынталарын нығайтты.
🌱🩺✨

Жетекшісі: М.Б. Абылқасым