«Жасөспірім» жедел-профилактикалық іс-шарасы

Құрметті Алматы қаласының тұрғындары!

2026 жылдың 28 ақпан мен 2 наурыз аралығында қала аумағында «Жасөспірім» жедел-профилактикалық іс-шарасы өткізілуде.
Іс-шараның мақсаты – кәмелетке толмағандар арасындағы құқық бұзушылықтардың алдын алу және олардың қауіпсіздігін қамтамасыз ету. Іс-шара барысында заңды өкілдерінің еріп жүруінсіз түнгі уақытта жүрген жасөспірімдерді, кәмелетке толмағандарға алкогольдік және темекі өнімдерін сату фактілерін, сондай-ақ оларды құқыққа қарсы әрекеттерге тартатын тұлғаларды анықтау бойынша рейдтік жұмыстар жүргізіледі.
Ата-аналарды балаларына бақылауды күшейтуге, ал тұрғындарды бейжай қалмауға шақырамыз.
Балалардың қауіпсіздігі – баршамыздың ортақ міндетіміз.