Инпектормен жұмыс

Лицей аумағында құқық бұзушылықтың алдын алу, оқушылардың қауіпсіздік мәдениетін қалыптастыру және жат ағымдардың әсерінен қорғау мақсатында лицей психологтары мен инспекторы лицейді аралап оқушыларға түсіндірме жұмыстарын жүргізді.

Лицей аралау (рейд) барысында оқушылармен келесі бағыттар бойынша түсіндірме жұмыстары жүргізілді:
•    Қоғамдық ортадағы тәртіп: Оқушыларға қоғамдық орындарда және білім ордасында өзін-өзі ұстау этикасы, мектеп ішкі тәртібіне бағынудың маңыздылығы түсіндірілді.•    Қауіпті заттарға тыйым салу: Мектеп аумағына суық қару (пышақ, кастет, өткір заттар және т.б.) әкелудің заңдық жауапкершілігі мен өмірге төндіретін қаупі туралы қатаң ескерту жасалды.•    Киберқауіпсіздік және діни экстремизм: Әлеуметтік желілердегі (Telegram, TikTok, Instagram) күмәнді және экстремистік бағыттағы топтарға қосылудың қаупі айтылды. Таныс емес адамдармен байланысқа түспеу және радикалды үгіт-насихаттарды ажырата білу жолдары көрсетілді.Психолог тарапынан оқушыларға кез келген қысым немесе күмәнді жағдай орын алса, қорықпай «сенім жәшігіне» жазу немесе психологқа тікелей жүгіну қажеттігі ескертілді.