Гроссмейстер Дәрмен Қанатұлы Сәдуақасовтың арнайы шеберлік сағаты

«Қазақстан» қонақ үйіндегі ерекше кездесу: №92 лицей оқушылары гроссмейстерден дәріс алды
Алматы қаласының символына айналған зәулім «Қазақстан» қонақ үйінің салтанатты залында Махатма Ганди атындағы №92 мамандандырылған лицей оқушылары үшін айтулы шара өтті. Лицейдің жас зияткерлері әлемге танымал шахматшы, халықаралық гроссмейстер Дәрмен Қанатұлы Сәдуақасовтың арнайы шеберлік сағатына (мастер-класс) қатысты.

«Қазақстан» қонақ үйінде өткен бұл кездесу оқушылар үшін жай ғана сабақ емес, үлкен мотивация болды. Гроссмейстердің тәжірибесі лицей оқушыларының интеллектуалдық әлеуетін арттыруға және алдағы жарыстарда жеңіске жетуге деген құлшынысын оятты.