“Үздік педагог –2025” байқауы

Алматы қаласы Бостандық ауданында “Үздік педагог –2025” байқауының аудандық кезеңі қорытындаланды. Аталған байқау Қазақстан Республикасы Оқу-ағарту министрінің «Үздік педагог» атағын беру қағидаларына сай ұйымдастырылды. Байқауға мемлекеттік орта білім беру ұйымдарынан 12 педагогтің конкурстық құжаттары қабылданды. «М. Ганди атындағы №92 мамандандырылған лицейінің» ағылшын тілі пәні мұғалімі Алимбекова Халима Пернехановнаға «Үздік педагог» атағы беріліп, куәлік тапсырылып, Бостандық аудандық білім бөлімінің басшысы және Ұстаз кәсіподақ ұйымының Бостандық аудандық филиалының төрағасымен бірлесіп жеңімпаз ұстаздарға бағалы сыйлықтармен марапатталды.