Кәсіптік бағдар беру жұмыстары

Бүгін лицейіміздің 10–11-сынып оқушыларына “Шихэцзы” университетінің (Қытай Халық Республикасы) өкілдері келіп, жоғары білім алу мүмкіндіктері жөнінде ақпараттық кездесу өткізді.

🔰Кездесу барысында университеттің әртүрлі бағыттары бойынша дәрістер оқитын профессорлар сөз сөйлеп, оқушылармен ашық диалог жүргізді:

▪️ Канн Юань Джи – медицина профессоры, 
▪️ Казыхан Оралғазы – технология саласының профессоры, 
▪️ Исламов Есенбай – Аграрлық Ұлттық Академиясының профессоры, 
▪️ Тиян Ю – агрономия саласы бойынша PhD докторы.

Қонақтар Қытайда білім алудың артықшылықтары, халықаралық бағдарламалар, гранттар мен студенттік өмір жайында жан-жақты мәлімет берді. Оқушылар көкейлеріндегі сұрақтарын қойып, шетелде білім алуға деген қызығушылықтарын білдірді.