Ақылды үзіліс – табысты күннің кілті

Қазақ Ұлттық Қыздар Педагогикалық Университетінің 6В01501 – Математика мамандығының 4-курс білім алушылары өздерінің педагогикалық тәжірибесі аясында оқушыларға арнап қызықты әрі пайдалы ойын ұйымдастырды. Бұл шара білім алушылардың кәсіби шеберлігін арттырып қана қоймай, оқушылардың тарихи санасын жаңғыртуға бағытталды.
Ойын барысында қатысушылар қазақ батырларының ерліктерін еске алып, тарихи сұрақтарға жауап берді. Шара патриоттық тәрбие беруге, ұлттық құндылықтарды дәріптеуге, сондай-ақ логикалық ойлау қабілеттерін дамытуға арналды. Оқушылар өткен тарихымыз туралы тереңірек білуге мүмкіндік алып, командалық жұмыстың маңыздылығын сезінді.
Практиканттар ойын элементтері арқылы білім алушылардың танымдық белсенділігін арттыруға тырысты. Әрбір сұрақ пен тапсырма олардың қызығушылығын оятып, тарихи деректерді меңгеруге деген ынтасын күшейтті. Бұл әдіс оқушылардың ой-өрісін кеңейтіп, есте сақтау қабілетін жақсартуға көмектесті.
Осындай шаралар болашақ педагогтардың шығармашылық қабілеттерін шыңдап, кәсіби құзыреттілігін арттыруға үлкен септігін тигізеді. Ұйымдастырушылар алдағы уақытта да осындай танымдық іс-шаралар өткізуді жоспарлап отыр.
Білім – болашақтың негізі, ал тарих – өткеннің айнасы. Өз тарихын білетін ұрпақ қашанда рухы биік, саналы азамат болмақ! 🚀🎓🔥