Менің Отаным- Қазақстан

      Кітапханада 5-11 сынып аралығында көрме ұйымдастырылды, көрме 25 қазан Республика күніне өткізілді.
Қазақстан Республикасына деген әрбір азаматтың мақтаныш сезімі мереке кезінде қалай болса да шалқитындай реті бар. Ата-бабаларымыз ғасырлар бойы аңсап өткен Тәуелсіздікке қол жеткізгелі бері еліміз талай – асқарлы асуларды бағындырды. Өтпелі кезең ауырпалықтарын бастан өткізіп, оңай тимеген экономикалық, саяси реформалар жүзеге асырылды. Қазақстанды бүгінде әлем жұртшылығы нарықтық экономикалы – демократиялық ел ретінде таниды. Елімізде халықтар достығы жақсы сақталып келеді. Ол жетістікте сөз жоқ еліміздің тұңғыш президенті Нұрсұлтан Назарбаевтың үлкен еңбек сіңіргені бар. Ел бірлігін сақтауда татулықтың үлкен байлық екендігін бүгінде Қазақстан халықтарының барлығы айқын сезінеді. Қазір Қазақстан – көп елдермен терезесі тең, елдік рәміздері анық, мәртебесі беделді мемлекет.
       Бірлік, татулық, ынтымақ! Халық осы үш ұғымның қадірін жақсы біледі. Қазақстан Республикасы жүздеген ұл мен ұлыстың басын біріктіріп, ынтымағын жалғастырып отырған Ұлы мемлекет.