«Менің асыл қасиеттерім» 7 сынып оқушыларымен жүргізілген тренинг .
Адамгершілік тақырыбы - мәңгілік. Адамгершілік әр адамға тән асыл қасиеттер. Адамгершіліктің қайнар бұлағы – халықта, отбасында, олардың өнерлерінде, әдет - ғұрпында. Әр адам адамгершілікті күнделікті тұрмыс — тіршілігінен, өзін қоршаған табиғаттан, күнделікті адамдармен қарым-қатынасынан бойына сіңіреді.
7 - сынып оқушылары бойына кішіпейілдік, мейрімділік, ізеттілік, сабырлылық, қасиеттерін қалыптастыру мақсатында «Менің асыл қасиеттерім» тақырыбында тренинг жүргізілді. Тренинг барысында:
1. Танысу «Қадір – қасиет» жаттығуы арқылы жақсы қасиеттерді тізбектесе,
2. «Менің мінезім» жаттығуы кезінде жанауарларды таңдау арқылы псиологиялық сауалнама жасалынды.
3. «Ашулы шарлар» жаттығуы барысында оқушылар 1-ші шарды үрлеп оны жару арқылы ашу-ызаны шығарса, 2-ші үрлеп жәймен ауасын шығару арқылы сабырлыққа, төзімділікке шақырдық.
4. Қорытынды «Күн шуағы» жаттығуы кезінде «тілек шамы» арқылы оқушылар бір-біріне жақсы тілек тіледі.
Оқушылардың барлығы жоғары белсенділікпен қатысып, соңында өздері алған әсерлерімен бөлісті.