ҰБТ – 2024 ерекшіліктері
11.09.2023 жылы «Білімді болашақ» оқу орталығының менеджері Тименов Айбын «Махатма Ганди атындағы № 92 мамандандырылған лицей» КММ-нің 10 және 11 сынып оқушыларының ата-аналарына жаңа форматтағы 2023 – 2024 оқу жылының ҰБТ-дағы жаңалықтар мен өзгерістер туралы онлайн форматта жиналыс өткізді. Жиналысқа мектеп түлектерінің ата-аналарымен бірге мектеп әкімшілігі, сынып жетекшілері мен пән мұғалімдері қатысты.
Жиналыста орталық менеджерлері «ҰБТ-2024» өткізілуі жөнінде ақпарат беріп, ережелердегі өзгерістермен таныстырды, ата-аналарды толғандырған сұрақтарға жауап берді. Тестілеу форматы өзгерген жоқ. Ескіше 120 сұрақ, 140 балл. 3 міндетті және 2 таңдау пәндері бойынша, таңдаған бағыт бойынша тапсырады.
2014 жылдан кейін тек, 2017 жылы өзгерістер енгізілді. Мысалы, таңдау пәндері бойынша балл саны 25-тен 40-қа өсіп, сұрақ саны 30-ға жетті. Бұл оқушының өзі таңдап отырған бағытқа көбірек көңіл бөлуіне мүмкіндік берді. Себебі, міндетті пәннен шектік балл 20-дан 7 еді.
Осы өзгерістен кейін, 2021 жылы кішкене өзгерді. Таңдау пәніне көп мән беріліп, сұрақ санын 35-ке, ал ұпай санын 45-ке өсірді. Бірақ, жалпы балл 140 болып қала берді. Себебі, "Қазақстан тарихы" мен "Математикалық сауаттылық" пәндерінен 5 сұрақ пен балл саны алынды.