21
October
2024
Қалалық семинар: "Білім алушыларды рефлективті ойлауға үйрету"
2024 жылдың 21 қазан күні М.Ганди атындағы №92 мамандандырылған лицейде «Өрлеу» біліктілікті арттыру ұлттық орталығының тыңдаушыларына «Білім алушыларды рефлективті ойлауға үйрету» тақырыбында озық тәжірибе бөлісу мақсатында қалалық семинар өтті.
Семинар барысында Алматы қаласын дамытудың 2025 жылға дейінгі бағдарламасы аясында білім алушылардың функционалдық сауаттылығын дамыту мақсатында халықаралық зерттеулерден үздік саналатын Сингапур мемлекетіне шетелдік тағылымдамадан өтіп, біліктілігін арттырған химия пәні мұғалімі К.С. Абдиғаниұлы «PISA құзыреттілігін қалыптастыру арқылы оқушылардың ғылыми сауаттылығын арттыру» тақырыбында, информатика пәні мұғалімдері К.Бахиева «Жасанды интелектіні сабақта қолдану ерекшеліктері», Н.С. Ергеш «Информатика және робототехника оқыту әдістемесі» тақырыптарында презентация жасап, шебер сабақ көрсетіп, өз тәжірибелерімен бөлісті. Сонымен бірге лицей психологі А.Б. Турсунбекова «Zoom» жаттығуын жүргізді. Семинар соңында "Өрлеу" БАҰО АҚФ Алматы қаласы бойынша КДИ "Педагогика және пәндік әдістеме" кафедрасының аға оқытушысы, академик Жартынова Жанар Алибековна сөз сөйлеп, кері байланыс берді.
