«Almaty Ustazy - 2024» қалалық байқауы

Алматы қаласы Білім басқармасының Қалалық білім берудегі жаңа технологиялардың ғылыми-әдістемелік орталығы жалпы орта білім беру ұйымдарының жас мұғалімдері арасындағы дәстүрлі «Almaty Ustazy - 2024» қалалық байқауын өткізді. Бірінші турда 11 пән бойынша 1513 мұғалім бақ сынап, екінші турға 110 мұғалім жолдама алды. Екінші турда қатысушылар сабақ беріп, финалға 12 қатысушы жолдама алды. Финал екі кезеңнен тұрды: Бірінші кезеңде қатысушылар 30 минут бойы өздерінің шеберлік сабағын өткізсе, ал екінші кезеңінде дискуссияға қатысты. Екі кезеңнің жалпы балы бойынша Бостандық ауданының Махатма Ганди атындағы N92 мамандандырылған лицейдің химия пәні мұғалімі Каумбаев Суннатулла Абдуғаниұлы “Цифрлық дәуірде оқытудың трансформациясы: дағды мен құзыреттіліктерді қалай дамыту қажет” атты шеберлік сабағын өткізді. Байқау нәтижесі бойынша 746 балл жинап, жалпы есепте 3 орын алып, шет елде тағылымдамадан өту мүмкіндігіне ие болды.